Европскиот суд за човекови права во Стразбур утврди повреда на правата при определување на притвор од страна на домашните судови на екс-министерот Спиро Ристовски, обвинет во предметот „Организатори на 27-ми април“ и за притворот на Митко Пешов, исто така осуден за настаните од 27 април.
Оштетата што државава мора да им ја плати изнесува 750 евра, додека за судски трошоци таа изнесува 1.500 евра.
Ристовски немал фер постапка и не била запазена контрадикторноста, бидејќи не му било овозможено да се произнесе за предлозите на Вишото јавно обвинителство за продложување на притворот, односно предлогот зошто треба да се одбие жалбената постапка не бил доставуван до обвинетиот.
На Пешов му било повредено правото на слобода и сигурност затоа што мерката куќен притвор му била заменета со ефективен пртивор без да биде сослушан, ниту да му бидат доставени аргументите на Обвинителството.
Фото: Unsplash