Денеска во Македонија до 12:30 часот има пет активни пожари, информираа од Центарот за управување со кризи.
Активни се пожарите во Општина Кавадарци, во близина на Тиквешко езеро, каде гори нискостеблеста шума и трева, во Општина Старо Нагоричане во селото Магленце, каде гори ниска вегетација и шума, во Општина Штип, на улицата Асном, каде гори ниска вегетација, во Општина Долнени во селото Долгаец, каде гори мешана шума и во Општина Кривогаштани во селото Подвис, каде гори ниска вегетација и стрниште.
Под контрола се исто така пет пожари: во Општина Македонски Брод, во повеќенаменско подрачје Јасен, во Општина Гевгелија на планината Кожуф, во Општина Желино во селото Мерово, во Општина Кавадарци во селото Страгово и во селото Мрежичко кај место викано Мушов.
Фото: Влада
