Според индексот на најмоќни патни исправи во светот за 2025 година на Henley Passport Index, македонскиот пасош е на 42. место. Со истиот може да се патува без виза во 129 земји, а нашиот пасош споредено со лани бележи напредок на рангирањето од три позиции.
Од регионот, најмоќен е грчкиот пасош, на 5. место, хрватскиот е на 8. место, бугарскиот е на 14. место, српскиот е на 36. место, албанскиот и пасошот на Босна и Херцеговина се на 47. место, а косовскиот е на 65. место.
Најмоќни се сингапурскиот, јужнокорејскиот и јапонскиот пасош.
На дното, пак, се пасошите на Ирак, Сирија и Авганистан.
Индексот се заснова на ексклузивни податоци од Меѓународната асоцијација на воздушен транспорт (ИАТА).
