Од Основното јавно обвинителство Тетово денеска информираа дека е дадена наредба за обдукција на телото на починатиот 42-годишен маж, кој вчера беше пронајден мртов во семејното возило „ауди” во атарот на селото Нераште, а истиот претходно од неговата сопруга беше пријавен за исчезнат.
ПОВРЗАНИ ВЕСТИ
42-годишен маж од Тетово пронајден мртов во возило, полицијата истражува дали е убиство
Од Обвинителството велат дека на местото е извршен увид, а издадена е и наредба за подигнување на возилото и други траги од местото на несреќата, над кои ќе се врши вештачење.
Дадена е и наредба за обезбедување снимки од камери за видеонадзор, како и насоки за откривање на сторителите поради сомненијата дека смртта е резултат на кривично дело.
Како што информираа вчера од Министерството за внатрешни работи на стаклото од страната на возачот во автомобилот имало отвор од испукан проектил, а телото на мажот било облеано со крв во пределот на главата.
