Платите на судиите подолго време се во фокусот на јавноста, а вчера претседателот на Судскиот совет, Александар Камбовски, даде детален преглед.
Според него судија во основен суд со основна надлежност има нето-плата од 86.623 денари, а со проширена надлежност 89.346 денари.
Претседател на основен суд пак зема плата од 99.112 денари.
Врховен судија, има плата од 105.000 денари, а претседател на врховен суд 114.000 денари.
На овие плати има и додавање на минат стаж.
Просечните платите кои се исплатени лани на судиите во Врховниот суд, каде што е вкалкулиран минатиот стаж, изнесуваат 197.000 денари бруто, а 128.000 денари нето.
Најголема плата исплатена на судија во 2024 година, е 214.000 во бруто износ, а 139.738 денари во нето износ.
На овие плати не се ставени додатоци за доверливост и за ризик при работа, зашто, како што рече, тие додатоци не ги земаат секој месец.
-Како што има пари во буџетот, така ги земаме. На пример, еден месец 5% е додатокот, па три месеци нема, па ќе биде 7%, па пак 5%, па 10%. Меѓутоа тие не се примања коишто редовно ги примаат судиите, појасни Камбовски.
