Од вечерва на полноќ цената на бензините Еуросупер БС-95 и Еуросупер БС-98, како и на Еуродизелот (Д-Е V) се намалуваат за два денари, соопшти денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на Еуросупер БС-95 ќе биде 73 денари по литар, на Еуросупер БС-98, 75 денари по литар, а на дизелот 66,50 денари по литар.
Цената на Екстра лесното масло за домаќинство на (ЕЛ-1) се намалува за еден денар и сега ќе се продава за 65,50 денари за литар.
Цената на Мазутот М-1 НС се намалува за 0,248 денари и сега ќе изнесува 32,635 денари за килограм.
Фото: Унсплеш
