Од вечерва на полноќ за половина денар се зголемува цената на Еуродизелот БС (Д-Е V), соопшти Регулаторната комисија за енергетика, водни услуги и услуги за управување со комунален отпад (РКЕ).
Со новата одлука цената на дизелот ќе биде 68 денари за литар.
Цената на бензините Еуросупер БС-95 и Еуросупер БС-98 не се менува и тие и понатаму ќе се продаваат по цена од 72 денари и 74 денари за литар.
За половина денар се зголемува и цената на Екстра лесното масло за домаќинство на (ЕЛ-1) и тоа ќе се продава за 67 денари за литар.
Цена на Мазутот М-1 НС пак се зголемува за 0,786 денари и сега ќе изнесува 33,885 денари за килограм.
Фото: Унсплеш
