Цената на становите во скопски Центар стигна до 232,7 илјади денари за квадрат, растат и цените во Карпош, Аеродром, Кисела Вода и Охрид

Извештајот од Регистарот на цени и закупнини за втората половина од 2025 година на Агенцијата за катастар на недвижности покажува дека во тој период најскапо продадениот стан е во скопски Центар – 1.379.518 илјади денари.

ПОВРЗАНИ ВЕСТИ

Цената на становите во Куманово пораснала за 24%, а во Тетово за 22%: Како се движеле цените во втората половина лани

Во Аеродром пак е продаден стан за 1.347.308 илјади денари, а во Карпош за 1.088.279 илјади денари.

Во Центар продажната цена на недвижностите во овој период стигнала до 232.722 денари за метар квадратен, а најнизок максимум има во Чаир – 19.543 денари по метар квадратен.

Највисока просечна цена за метар квадратен е постигната во Центар – 104,3 илјади денари.

Во Карпош, просечната цена е 99,6 илјади денари за метар квадратен, во Аеродром, 88,9 илјади денари, во Кисела Вода, 83,2 илјади денари, а во Охрид, 78,1 илјади денари.

Највисоката вкупна вредност на остварена цена од направените купопродажби за овој период е постигната во Центар – 82,8 милиони евра, во Аеродром – 59,1 милиони евра, во Карпош –  57 милиони евра, а најниска во Велес – 5,6 милиони евра.

ПОВРЗАНИ ВЕСТИ

Стан од 83 метри квадратни во Центар продаден за 246.171 евра: Цените на недвижностите во Скопје продолжуваат да рушат рекорди

Странците видоа бизнис во високите цени на становите, ќе растат ли уште повеќе?

Како се движи цената на становите во Скопје?