Пожарникари од Струмица, извлекувале девојка од провалија под Цареви Кули.
„Денес, во раните утрински часови пожарникарите-спасители од ТППЕ Струмица интервенираа на извлекување на паднато женско лице (девојка) од провалија под Цареви Кули, на место викано Црвен Дол.
Станува збор за исклучително тежок и непристапен терен, каде интервенираа шест пожарникари-спасители со две теренски противпожарни возила. Во акцијата беше користена алпинистичка опрема и носила за безбедно извлекување на повреденото лице.
По успешно спроведената акција, лицето беше извлечено и предадено на екипа на Итна медицинска помош. На лице место присутни беа и екипи од МВР Струмица,“ се вели во соопштението на ТППЕ.
Фото: ТППЕ Струмица/Unsplash
