Ако се споредуваме технички, ние по Црна Гора длабоко сме навлезени во евроатлантскиот процес низ реформска призма, изјави претседателката Гордана Сиљановска Давкова, на заедничката прес-конференција со црногорскиот претседател Јаков Миљатовиќ.
„Јас не би можела да зборувам за кластери и за поглавја како мојот колега, бидејќи за првпат во историјата на ЕУ и во историјата на европската заедница се поставуваат вакви услови, за да почнете преговори.
Ако гледаме низ техничка призма, низ призма на скрининг на реформските капацитети, би можеле и би требало, ако има разбирање за пречката, која е надвор од европските стандарди и критериуми, многу бргу да станеме членка на ЕУ,“ рече претседателката одговорајќи на новинарско прашање за евроинтегративниот процес, а во врска со изјавата на премиерот Христијан Мицкоски дека ако треба ќе се чека со децении.
Таа смета дека безбедносното прашање бара поодлучен однос кон Западен Балкан, а за внатрешни реформи на ЕУ, смета дека не е време во вакви светски околности.
Фото: Кабинет на претседателката
