Владата донесе одлука за намалување на акцизата на дизелот за четири, а на бензините за два денари по литар.
Истовремено продолжува и мерката за намаленото ДДВ за горивата на 10%.
Премиерот Христијан Мицкоски изјави дека без овие мерки цената на дизелот би надминала 102 денари за литар, а бензините би поскапеле дополнително, но одлуките на Владата успеале да го амортизираат ценовниот притисок.
„На денешната вонредна седница Владата донесе неколку клучни мерки за ублажување на ценовниот притисок врз граѓаните: продолжување на намалената стапка на ДДВ за горивата од 18% на 10% до крајот на кризата, намалување на акцизата за дизел за 4 денари по литар и за бензините 95 и 98 за 2 денари по литар, како и договор со „ОКТА“ за продолжување на дополнителен попуст (3 денари за дизел и 2 денари за бензините), со што практично се амортизира очекуваниот раст на цените и се задржува или намалува нивото на цените за граѓаните,“ изјави Мицкоски.
ПОВРЗАНИ ВЕСТИ
Во Македонија расцвета “бензин туризмот“, ќе има ли ограничување за странците?
Два милиони литри гориво се трошат дневно во Македонија
Април со цените ќе биде полош од март
Фото: Unsplash
