Продолжува трендот граѓани од соседните земји поради пониските цени на горивата да доаѓаат во Македонија да купуваат бензин и други горива, но и храна.
Деновиве како што пренесоа албанските медиуми граничниот премин „Ќафасан“ бил блокиран од колони возила од албанска страна, од граѓани кои тргнале во Македонија по поевтино гориво и храна.
ПОВРЗАНИ ВЕСТИ
(Видео) Колони возила на „Ќафасан“, граѓаните од Албанија доаѓаат по поевтина храна и гориво
Во првиот месец од војната на Блискиот Исток, околу 10% од горивата во Македонија трошеа граѓани од соседните земји, а сега тој процент, во вториот месец, е 15%.
Најчесто соседите точат горива во општините Дебар, Струга и Охрид на западната граница, во Битола и Гевгелија на јужната граница и во Куманово на северната граница.
Ќе има ли ограничување?
Неколку земји во Европа поради сличен тренд воведоа мерки за огранчување.
Во Словачка на пример горивото за странци е поскапо, а во Словенија ја ограничија количината која може да ја купат странци.
Премиерот Христијан Мицкоски вели дека има доволно количини на нафта, и според него не е потребно никакво ограничување.
ПОВРЗАНИ ВЕСТИ
Април со цените ќе биде полош од март
Како се одредува цената на бензините и дизелот
Кои се главните играчи на пазарот со нафтени деривати во Македонија
Фото: Унсплеш
