Директорот на Дирекцијата за заштита и спасување, Стојанче Ангелов информираше дека пожарот во штипско, кој заради ветерот се доближил до викендиците во селото Селце, е ставен под контрола.
„Голема благодарност до сите пожарникари, кои со надчовечки напори успеаја да ја стопираат линијата на огнот, која ме загрижи, бидејќи постоеше голема опасност за многубројните викендици кои во суштина се покрај пресушената река Лакавица и по број се поголеми од едно големо македонско село. Во овој појас има стотина викендици.
Засега има контрола, на повеќе места се поставени доволен број пожарникари очекувам до вечер да имаме контрола барем на делот кој ги загрозува вкендиците, а потоа останува да го ставиме под контрола горниот дел кој се движи во насока на планината Серта,“ рече Ангелов.
Фото/Unsplash
