Во годишниот извештај за работењето лани, објавен преку Македонската берза, Прилепска Пиварница АД Прилеп меѓу друго објави и дека вкупните примања на членовите на Управен одбор (УО) и членовите на Надзорен одбор (НО) изнесуваат 34.574.908 денари бруто.
Станува збор за исплати по основ на исплатена плата и надоместоци од плата во бруто вредности со пресметани и платени законски утврдените даноци и придонеси во целост на лица кои имаат статус на вработени лица.
Членови на Управниот одбор се: Сашко Самарџиоски, кој е генерален директор и претседател на УО, Панде Самарџиоска, заменик генерален директор, Коста Мијоски, Димитар Тодороски, Јане Ангелески, Владимир Блажески и Катерина Митреска.
Членови на НО се: Александар Чатлески, Методија Самарџиоски и Александар Димитријески, независен член.
ПОВРЗАНИ ВЕСТИ
Прилепска пиварница откупи сопствени акции
Реизбрани членовите на НО на Прилепска пиварница
