Македонските функционери добија можност во Државната комисија за спречување на корупцијата (ДКСК) да пријават какви подароци добиваат. Истата засега е на доброволна основа.
Истата досега ја искористиле многу малку функционери.
Како што може да се види од Каталогот на подароци за избрани и именувани лица за 2025 година моментално од функционерите кои пријавиле какви подароци добиле, најмногу податоци до Антикорупциска споделиле главниот државен ревизор Максим Ацевски, и претседателот на македонското Собранието, Африм Гаши.
Ацевски пријавил претежно сувенири – рамка со народна носија, украсна паричка, украсен брод, украсен коњ, босански кралски дукат…, како и Гаши, кој пријавил златен меч во рамка, бисер поставен во златна школка, рачно цртана порцеланска вазна, скулптура „глава на коњ“, златна и сребрена монета…
Раководител на сектор во Дирекција за технолошки индустриски развојни зони пријавил вино, тефтер и подлога за мауспад со лого на дарителот, советник во Државното правобранителство пријавил книга, Државниот архив пријавил три клима уреди, Центарот за култура „Браќа Миладиновци„ од Струга пријавил акрил на дрво…
-Пријавувањето на подароци е еден од клучните механизми за превенција од судир на интереси и за зајакнување на етичкото постапување на носителите на јавни функции.
Каталогот овозможува јавен увид во податоците за пријавените подароци и придонесува кон поголема отвореност на институциите, како и кон зајакнување на довербата на јавноста во нивното работење.
Државната комисија укажува дека навременото и целосно пријавување на подароци од страна на службените лица е важен показател за нивниот интегритет и одговорност, како и за доследна примена на законската рамка, велат од ДКСК.
Каталогот може да го разгледате ОВДЕ.
