Македонија денеска го слави големиот празник Илинден.
На 2. август 1903 година македонскиот народ во Крушево се крена против Османлиите, а следниот ден беше прогласена Крушевската Република, прва на Балканот.
Четириесет и една година подоцна, на 2. август, во манастирот „Св. Прохор Пчински“, пак беше одржано Првото заседание на АСНОМ.
Крушевската Република имала и влада
Крушевската Република имала и Привремена влада.
Таа имала за задача да ги оданочи граѓаните со привремен налог, да собира по реквизициски пат храна за исхрана на востаниците и населението во градот и околијата, да реквирира материјали за облека и опинци за востаниците и за милитаризираните граѓани, како и материјали за нивното вооружување, да се грижи за ранетите и разболените востаници, граѓани и селани, да казнува провинети граѓани, да чува ред и мир во градот…
Претседател бил Никола Карев.
Секој член на владата имал посебен ресор.
Дину Вангел бил претседател на Советот и одговорен за правосудство.
Ѓорѓи Чаче бил секретар на Советот и одговорен за реквизиција.
Теохар Нешков бил касиер и бил одговорен за финансии.
Христо Ќурчиев бил градоначалник и одговорен за полицијата.
Димитар Секулов бил одговорен за прехрана и производство.
Никола Баљу бил одговорен за санитарниот сектор.
Седиштето на Привремената влада се наоѓало во централното грчко патријаршиско училиште.
Владата имала определено работно време – претпладне и попладне.
Повеќе инфо ОВДЕ.
ПОВРЗАНИ ВЕСТИ
На првото заседание на АСНОМ имало и преставници и на САД и Велика Британија
Фото: Кабинет на претседателот
