Винарската визба Тиквеш АД Кавадарци во првите шест месеци од годинава остварила бруто добивка од 885,6 милиони денари и истата е повисока за 21% споредено со истиот период лани, соопшти Друштвото преку Македонската берза.
-Вкупните приходи забележаа зголемување од 9% во однос на истиот период од минатата година. Растот е резултат на зголемените приходи на странските пазари за 14% и 3% од продажбата на домашниот пазар.
Трошоците за продажба и маркетинг бележат намалување од 6%, а останатите оперативни расходи се повисоки за 16%. Административните трошоци се повисоки за 46%, што придонесе оперативната добивка да се зголеми за 35% и да достигне 247,8 милиони денари.
И покрај повисоките финансиски расходи, добивката пред оданочување е зголемена за 21%, додека нето добивката по оданочување изнесува 158,2 милиони денари, што претставува раст од 19% во однос на истиот период од претходната година, велат од таму.
ПОВРЗАНИ ВЕСТИ
Тиквеш ќе дели дивиденда од 1.198 денари бруто
Дарко Човиќ избран за нов член на Управниот одбор на Тиквеш
М-6 Еден купи нови акции на Тиквеш
Фото: Тиквеш
