Од вечерва на полноќ за еден денар поскапуваат цените на бензините Еуросупер БС-95 и Еуросупер БС-98, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на Еуросупер БС-95 ќе биде 73 денари за литар, а на Еуросупер БС-98, 75 денари за литар.
Цената на Еуродизелот (Д-Е V) останува иста, и тој и понатаму ќе се продава за 68 денари за литар.
Иста останува и цената на Екстра лесното масло за домаќинство, 67 денари за литар.
За 0,233 денари се зголемува цената на Мазутот М-1 НС и сега ќе изнесува 33,883 денари за килограм.
Фото: Унсплеш
