еМагазин ексклузивно споделува детали за еден од најголемите актуелни градежни проекти во Македонија.
Станува збор за комплексот Берово Грин Гејт (Berovo Green Gate), а деталите за еМагазин ги сподели сопственикот Горан Јордев.
Јордев е и косопственик на Дик Фагус во Печхево, Stip City Mall и Stip City Taxi во Штип.
Инвестиција од над 10 милиони евра
Се работи за инвестиција вредна над 10 милиони евра, која ќе се реализира во четири фази.
Молот, кој е првиот дел, е веќе во градба. Истиот се протега на површина од околу 5.000 метри квадратни. Неговото отворање е планирано за почетокот на 2027 година. Во него ќе има повеќе брендови, вклучувајќи и продавници за текстил, спортска опрема, бела техника, аптека, дел за храна, кафе бар и игротека.
Вториот дел од проектот е Резидент ливинг, кој вклучува четири ламели со по 30 ликсузни станови. Секоја од нив е со сопствен базен, заеднички простории и место за активности. Овој дел од проектот е во фаза на проектирање. Темелите ќе бидат поставени кон средината на јули.
Сениор ливинг – старечки дом е третиот дел од проектот. Истиот ќе има капацитет за околу 200 лица, за кои ќе се грижат 20 негователи и пет доктори.
Четвртиот дел од проектот е хотел. За истиот инвеститорот е во фаза на преговори со странски партнер за добивање на франшиза. Повеќе детали за овој дел ќе бидат познати наскоро.
Во склоп на овој проект, дополнително ќе бидат додадени и повеќе содржини кои ќе го збогатат искуството на посетителите на овој комплекс, како понуда за рентање на мотори и велосипеди со опрема за истите.
Дополнително, со отворањето на комплексот ќе биде отворено и Berovo City Taxi, кое ќе се состои од неколку електрични возила кои ќе го подигнат нивото на такси превозот во Малешевијата.
Плус инфо и контакт за комплексот ОВДЕ.
