Агенцијата Ројтерс пренесува дека експерименталната таблета против рак на панкреас на компанијата „Револушн Медисинс“ им го продолжува животниот век на пациентите.
Станува збор за лекот daraxonrasib, а пациентите кои примале по една таблета од него дневно, го продлжиле животниот век до 13,2 месеци, во споредба со 6,7 месеци кај оние кои се третираат со хемотерапија.
Таблетата е во доцна фаза на клиничко испитување и истата ги таргетира RAS мутациите, кои го поттикнуваат растот на туморите и се присутни кај повеќе од 90% од случаите на рак на панкреас.
Во студијата биле вклучени претходно лекувани пациенти со метастатски панкреатичен дуктален аденокарцином (PDAC), кои имале тумори со различни варијанти на RAS, како и пациенти кај кои не била идентификувана RAS мутација.
Таблетата исто така се тестира во други доцно-фазни клинички испитувања, вклучувајќи за PDAC и не-малоклеточен рак на белите дробови.
Фото: Унсплеш
