(Фото) Угинат рис на патот Ресен-Охрид

По дојава од Здружението на ловци „Преспа-Ресен“, денеска на терен констатиравме дека е угинат рис на патот Ресен-Охрид, информираа од Македонското еколошко друштво (МЕД).

-Во тек е координирана акција со Министерството за животна средина и просторно планирање, Државниот инспекторат за животна средина, Агенцијата за храна и ветеринарство и Македонското еколошко друштво со цел земање примероци за анализа и транспортирање на угинатото животно на Факултетот за ветеринарна медицина при УКИМ – Скопје заради обдукција.

Ваквите случаи не нè оставаат рамнодушни, особено ако се земе предвид дека постојат уште само 50-на единки на балканскиот рис.

Истовремено, се јасен показател дека ако сакаме да ги зачуваме загрозените видови, мора да се планираат и градат зелени мостови преку кои животните ќе можат безбедно да се движат и да ги надминуваат пречките создадени од човекот, велат од таму.

ПОВРЗАНИ ВЕСТИ

(Фото) Угинатиот рис на патот Охрид – Ресен е возрасна женка: Во Македонија има само 50 единки од овој загрозен вид

(Видео+фото) Рис снимен во околината на Кичево

Фото: МЕД/Унсплеш