Германската компанија WPD најави изградба на 415 мегаватна ветерна електрана на потегот Куманово – Старо Нагоричане – Крива Паланка, инвестиција во вредност од околу 500 милиони евра.
Ќе се гради ветерен парк „Вирови“ – најголем капацитет од обновливи извори на енергија во Македонија, колку што имаат двата блока на РЕК Битола.
Ќе бидат поставени 69 нови ветерни турбини, што е за четири пати повеќе од досегашните 16 на границата со Грција, кои ќе создаваат над 400 мегавати струја.
„Вирови“ нема да користи никакви повластени тарифи од државата, ќе снабдува 290.000 домаќинства со електрична енергија, а инвестицијата ќе се одвива во неколку фази.
WPD работи во 28 земји и располага со над 5.000 мегавати инсталиран капацитет во обновливи извори.
Фото: Влада