Македонските и српските медиуми деновиве за пусти кликови се натпреваруваат кој ќе стави подраматичен наслов откако Македонија почна да им наплаќа казни за сообраќајни прекршоци преку електронскиот систем “Безбеден град“ и на странците кои поминуваат низ земјата.
ПОВРЗАНИ ВЕСТИ
(Фото) Драматични наслови во српските медиуми откако стартуваше “Безбеден град“ и за странците
Деца плачеле, Срби нема да возеле низ Македонија, ќе оделе преку Бугарија, казните биле ригорозни… наслови на кои може да им позавидат и најпознатите драматурзи.
Ама медиумите заборавија да објаснат зошто е важен овој систем. Освен што треба да информираат, тие треба и да образуваат. Ама тоа не носи клик. Безбедноста колку што е важна за македонските граѓани, кои веќе ги чуствуваат придобивките од „Безбеден град“ е исто толку важна за сите учесници во сообраќајот, вклучувајќи ги и странците.
ПОВРЗАНИ ВЕСТИ
Странците кои поминуваат низ Македонија сообраќајните казни ќе можат да ги плаќаат електронски
Секако мора да се каже дека стартот предизвика застој на граничниот премин “Табановце“ и непотребни нервози на топлото време и дека Министерството за внатрешни работи (МВР) требаше да ги информира странците неколку денови пред тоа да почне да се применува и да ја воведе апликацијата за нив пред стартот.
И кога почна да се применува системот во Македонија на почетокот имаше недоразбирања, кои правеа гужви пред МВР, но за се треба време и сега се функционира како што треба.
На секоја новина за да стане секојдневие и навика и е потребно време. Видете што се случува со новото правило за влез и излез во Шенген зоната. Воведено е од април, а уште не функционира како што треба, па се создаваат гужви на границите за влез и излез во земјите од Зоната.
ПОВРЗАНИ ВЕСТИ
Фото: МВР
