Од Управата за хидрометеоролошки работи (УХМР) информираа дека од утре до среда ќе има промена на времето.
Во овие два дена под влијание на влажна и нестабилна воздушна маса ќе се задржи променливо облачно и нестабилно време со повремени врнежи од дожд и појава на грмежи.
Процесите наместа ќе бидат поинтензивни во форма на невреме со пообилен пороен дожд, грмежи и засилен ветер, особено во западните и јужните делови.
Утринската температура ќе биде во опаѓање.
Ќе дува и северен ветер, кој во четврток ќе биде засилен, повремено силен.
Во Скопје, до среда времето ќе биде променливо облачно и нестабилно со повремен дожд и услови за појава на грмежи. Во делови од котлината ќе има услови за појава на невреме. Ќе дува ветер од северен правец.
