Под истрага портали и Фејсбук страни за ширење говор на омраза и координирани објави за спорот Македонија-Бугарија

Министерството за внатрешни работи и Агенцијата за национална безбедност водат истрага за околу 20 портали и страници на Фејсбук и Инстаграм, поради сомневање дека истите се користеле за организирано ширење говор на омраза и поттикнување тензии преку содржини поврзани со односите меѓу Македонија и Бугарија, објави порталот Скопје 1.

Како што пишува порталот, повикувајќи се на свои извори, истражните органи веќе обезбедиле дел од доказниот материјал, и дека истрагата продолжува.

Предмет на истрагата е и начинот на финансирање на дел од овие активности.

еМагазин исто така периодов пишуваше за овој тренд, кој започна во 2022 година, а стана многу повидлив изминатава година.

ПОВРЗАНИ ВЕСТИ

Ќе влезе ли во извештај на ЕУ и засилената хибридна кампања против Македонија од Бугарија

На порталите и Фејсбук групите поврзани со Бугарија, неодамна предупредија и министерот за надворешни работи и надворешна трговија, Тимчо Муцунски и неговиот заменик, Зоран Димитровски.

ПОВРЗАНИ ВЕСТИ

Која е Фејбук групата на која заврши дипломатски документ кој ја загрози безбедноста на семејството на Мицкоски

Очигледно е дека постои сериозна мрежа на страни на социјалните медиуми и портали кои се занимаваат не само со претставници на државата, туку сè повеќе и со нивните семејства, кажа Муцунски

Портали поврзани со Бугарија водат засилена хибридна кампања против Македонија, вели заменик министерот Димитровски

Фото: Унсплеш