„Ова не е наша војна“, му порача Велика Британија на традиционалниот партнер САД

Велика Британија, традиционалниот и долгодишен партнер на САД, и порача на земјата дека војната во Иран и Блискиот Исток, не е нејзина, и дека нема да дозволи да биде вовлечена во истата.

Пораката ја испрати британскиот премиер Кир Стармер, кој периодов често е криткуван јавно од американскиот претседател Доналд Трамп.

Стармер ја исклучи и можноста за испраќање британски копнени трупи во Иран и најави дека земјата ќе продолжи со одбранбени акции и ќе работи на повторно отворање на Ормутскиот теснец, кој моментално не функционира целосно, а преку кој поминуваат 20% од нафтата за глобалниот пазар, но и голем процент од транспортот на гас и храна.

Трамп периодов поради дистанцирањето го криткуваше и НАТО. Велика Британија е членка на Алијансата.

ПОВРЗАНИ ВЕСТИ

Шпанија го затвори својот воздушен простор за американските авиони кои учествуваат во војната во Иран

Европски земји, Јапонија и Австралија го одбија Трамп за испраќање на воена помош за одблокирање на Ормускиот теснец

Војната на Блискиот исток влезе во петта недела, ќе трае уште неколку недели, најави американскиот државен секретар Рубио

Фото: Унсплеш