Познат е идентитетот на битолчанката која со нож во семејната куќа во Битола ги избоде баба ѝ и дедо ѝ.
ПОВРЗАНИ ВЕСТИ
Внука со нож ги избодела баба ѝ и дедо ѝ во Битола
Станува збор за Е.Т. (26) од Битола, која како што информираа од Секторот за внатрешни работи Битола е пратена во Психијатриската болница во Демир Хисар, каде ќе продолжи да се следи нејзината здравствена состојба.
Таа била пронајдена 40 минути по нападот по што била уапсена.
Нејзината баба Н.С.(70) и дедо П.С. (78) се пренесени во Клиничка болница Битола.
За неа по целосно документирање на настанот ќе биде поднесена соодветна кривична пријава за кривично дело – обид за убиство.
