И денеска на повеќе локации низ Македонија се вршат претреси за незаконскиот увоз на материјали за ботокс и филери, а поради обемот и сериозноста на случајот, акцијата се проширува и со приведување на нови инволвирани лица, информираа од Основното јавно обвинителство за гонење организиран криминал и корупција (ОЈО ГОКК).
ПОВРЗАНИ ВЕСТИ
За лажен ботокс и филери уапсени доктори од скопски клиники и дерматолошки ординации
Заедничката акција на ОЈО ГОКК и Одделот за сузбивање на организиран и сериозен криминал при Министерството за внатрешни работи (МВР), започна вчера, а во рамки на истата беа уапсени неколку доктори од скопски клиники, како и сопственици на дерматолошки ординации.
-Се уште се спроведува координирана акција при што се вршат интензивни претреси на повеќе локации низ државата.
Акцијата е резултат на постоење на основи на сомневање за сторени кривични дела “Злосторничко здружување“, “Повреда на права од индустриска сопственост и неовластена употреба на туѓа фирма“ и “Примање поткуп“, информираа од ОЈО ГОКК.
ПОВРЗАНИ ВЕСТИ
