Фудбалерите на Силекс од Кратово го освоија Купот на Македонија, победувајќи го тимот на Шкендија од Тетово со 1: 0.
Натпреварот се одржа вчера на националната арена „Тодор Проески“, а оваа е четврти купски трофеј за Силекс. Претходно го имаат освоено во 1994, 1997 и 2021 година.
Со освојувањето на Купот на Македонија Силекс успеа да избори пласман во УЕФА Конференциската лига.
На почетокот на натпреварот навивачите на Шкендија ја исвиркаа македонската химна, а фудбалерите и стручниот штаб на тетовскиот клуб одбија да ги примат медалите за освоеното второ место.
Од Шкендија по бројни реакции за непрофесионалното однесување преку соопштение се правдеа дека нивниот стручен штаб и фудбалерите не го слушнале повикот на спикерот на стадионот, кој ги повика неколку пати да ги примат медалите и дека целата ситуација била последица на недоразбирање и технички пропуст во емоционалните моменти по натпреварот.
Фото: Фудбалска федерација на Македонија/Фејсбук
