Отворено е пријавувањето за бесплатно учество на Академијата за жени претприемачки (AWE) .
Наменета за студентки од завршните години на факултетите од ИТ и СТЕМ областите, како и за жени-сопственички или менаџерки во областа на агробизнис и производство на храна, Академијата нуди платформа за поттикнување на претприемништвото и иновациите кај жените, овозможувајќи им да навлезат и напредуваат во бизнис води во кои традиционално доминираат мажите. Токму затоа годинава Академијата се фокусира на девојките и жените од гореспоменатите области.
Примарната цел на aкадемијата е да се обезбеди знаење, вмрежување, пoтребно за да основа сопствен бизнис и да се развие постечкиот.
Станува збор за онлајн-програма за обука, во чиј центар е платформата DreamBuilder, која е развиена во партнерство помеѓу Thunderbird – школата за глобален менаџмент на Државниот универзитет во Аризона и американската фондација Freeport-McMoRan.
Програмата опфаќа основи на пишување бизнис план, продажба и маркетинг, обезбедување на финансирање, управување со ресурси и друго при што секоја учесничка креира и персонализиран бизнис план, употребувајќи корисни алатки и шаблони, кои им се на располагање и по завршување на Академијата. По завршување на програмата секој учесник ќе има свој бизнис план, спремен за имплементација.
Академијата за жени претприемачки (AWE) е формирана во 2019 година од страна на Бирото за образовни и културни работи на Американската Влaда и се спроведува во преку 80 држави низ светот, помагајќи на повеќе од 15.000 жени претприемачки да основаат сопствен бизнис или да го прошират и зголемат својот веќе постоечки бизнис (eca.state.gov/awe).
Академијата e поддржана од Амбасадата на САД во Македонија, a имплементирана од страна на Mакедонско-американска алумни асоцијација.
Донесете ја својата бизнис идеја и аплицирајте денес, (04.09.2023).
Повикот ќе треа до 22 септември. Академијата ќе започне на 4 октомври и ќе трае до средината на декември oваа година..
Повеќе детали на: maaa.mk.
Сите заинтересирани кандидатки може да се пријават на следниот ЛИНК: docs.google.com.
Контакт – [email protected], 070 401 164.
Промотивна објава