Планирањето на терористички напади во Виена, Австрија, за време на концерт на најпопуларната пејачка во светот во моментов, Тејлор Свифт, е во фокусот на светската јавноста, но и на македонската, пред се поради фактот дека главниот осомничен е момче со потекло од Гостивар.
Станува збор за 19-годишниот Беран Алији, кој е роден во Австрија и има австриско државјанство, а неговите родители се по потекло од Македонија.
ПОВРЗАНИ ВЕСТИ
Тој беше уапсен во неговиот дом во Терниц, Долна Австрија и признал дека планирал терористички напади со експлозив (автомобил-бомба), но и со ладно оружје, пред стадионот каде Свифт требаше да има концерт.
Во неговиот дом полицијата нашла различно оружје – мачети, ножеви, детонатори, кабли за палење, 21 илјади фалсификувани евра.
Изминатиот период Алији драстично го сменил својот физички изглед адаптирајќи го според пропагандните видеа и пораки на Исламската држава (ИД), а на ТикТок објавил и видео во кое се заколнува на верност на ИД.
Тој на крајот на јули си дал отказ од работното место, најавувајќи им на колегите дека имал големи планови.
Работел во фабрика за преработка на метал, од каде наводно украл хемиски супстанци со кои имал намера да ја направи бомбата.
Досега за случајот се уапсени и двајца малолетници, едниот на 17-годишна возраст, а другиот на 15-годишна возраст.
ПОВРЗАНИ ВЕСТИ
Македонското МВР го истражува неговото минато
Македонското Министерство за внатрешни работи на барање на австриските власти проверува дали Алији доаѓал во Македонија, дали имал контакти со луѓе од земјава и дали нашите служби имаат некакви претходни сознанија за него.
ПОВРЗАНИ ВЕСТИ
Беран Алији, главниот осомничен за планирање терористички напади во Виена, ретко доаѓал во Гостивар