Лавина од негативни реакции во јавноста и на социјалните мрежи предизвика вчерашното соопштение на Министерството за внатрешни работи, во кое меѓудругото стои дека ќе бидете казнети ако од среда низ Македонија возите со возачка дозвола без новото име на државата.
ПОВРЗАНИ ВЕСТИ
Од среда ќе платите казна ако возите со возачка без „Северна„
Казна ќе платите, бидејќи според Законот за безбедност на сообраќајот на патиштата ќе се смета дека немате возачка дозвола, односно дека истата без „Северна“ е невалидна.
И не само тоа. Доколку со возачка дозвола со старото име учествувате во сообраќајка, ќе платите и за евентуална штета поради невалидна возачка.
Законот, поради обврските од Преспанскиот договор, е донесен во јуни 2021 година и во истиот пишува дека возачките без “Северна“ нема да важат од 12. февруари 2024 година.
Во Законот може да се интервенира
Секако дека може да се интервенира со амандам за оваа законско решение, за рокот да се пролонгира, бидејќи граѓаните не беа доволно информирани за возачките дозволи, но тоа досега не случи.
Од друга страна пак личните карти без „Северна“ во Македонија ќе можете да ги користете по 12. февруари, а од среда нема да можете и да излете од земјата без пасош со новото име.
ПОВРЗАНИ ВЕСТИ
Од среда нема да можете да излезете од државата без пасош со „Северна“