По продолжување на рокот за замена на возачките дозволи со старото име на државата, денеска од Министерството за внатрешни работи (МВР) информираа дека се продолжува и рокот за замена на регистерските таблици со ознаката “НМК“ до крајот на годината.
-Рокот за замена на регистарските таблици кои ја содржат ознаката „МК“ и на регистарските таблици кои немаат никаква ознака или ставање на налепница на која е испишана ознаката „НМК“ се продолжува најдоцна до 31. декември 2024 година, велат од МВР.
Од таму исто така ги информираат граѓаните и како да се постапат ако со стара патна исправа од граничните полициски службеници бидат спречени да излезат од Македонија.
-Исто така, ги информираме оние граѓани кои ќе бидат спречени од страна на граничните полициски службеници да направат излез од државата поради тоа што поседуваат патна исправа со името “Република Македонија“, дека можат да побараат писмено известување во кое ќе бидат наведени причините поради кои се оневозможени да направат излез, велат од МВР.
ПОВРЗАНИ ВЕСТИ