„Виз ер“ го најави започнувањето на своето „All You Can Fly“ членство, обезбедувајќи голем број летови во период од 12 месеци за 599 евра, до повеќе од 800 дестинации, информираат од таму.
„Членството „All You Can Fly” на Виз е прво од ваков вид во Европа, а „Виз ер“ е единствената авиокомпанија што нуди голем број летови за одредена цена. Годишното членство од 599 евра ќе им обезбеди на спонтаните патници пристап до летовите низ целата мрежа на „Виз ер“ со повторлива такса за резервација од само 9,99 евра.
Новите опции за членство ќе им дадат на патниците неверојатна можност да патуваат толку често колку што сакаат, помагајќи им да заштедат пари на вообичаените цени на билетите,“ се вели во соопштението од компанијата.
Совршено за патници кои постојано го бараат своето следно патување, членството важи за еден патник во период од 12 месеци. Корисниците ќе можат да изберат од достапната дестинација 72 часа пред датумот и времето на поаѓање.
„Авиокомпанијата има уникатна понуда за претпродажба на „All You Can Fly” членството по исклучителна цена од 499 евра. Претпродажбата ќе започне од 10 часот по средноевропско време на 13 август 2024 година до 23:59 часот по средноевропско време на 15 август.
По претпродажбата, сите патници ќе можат да го купат членството по редовна цена од 599 евра. Патниците можат да резервираат летови во рамките на „All You Can Fly” членството на WIZZ почнувајќи од 25 септември 2024 година.
Патниците на Wizz Air ќе можат да го користат членството за да летаат колку што е можно повеќе. Тие можат да патуваат од речиси 200 градови во над 50 земји на 800 рути на Виз,“ се додава во соопштението.