Петровска ќе поднесе претставка до Комисија за спречување и заштита од дискриминација

Пратеничката Славјанка Петровска најави дека ќе поднесе претставка до Комисија за спречување и заштита од дискриминација поради денешните изјави на министерката за финансии Гордана Димитриеска-Кочоска која и упати лични напади базирани на нејзината семејна состојба.

„Ова не е заради мене. Она што денеска се случи во јавноста не е заради Славјанка Петровска туку затоа што еднаш засекогаш мора да се стави стоп на ваквото однесување од страна на власта.

Дали јас добив навреда, јас не ја примив навредата. Дали беше намерата да бидам навредена и омаловажена затоа што немам деца и немам семејство, апсолутно да. Реакциите кои следуваа на јавноста не само на СДСМ по ова е тоа што всушност го вознемири ВМРО-ДПМНЕ, затоа што видоа дека отиде работата предалеку“, нагласи Петровска во гостување во емисијата „24 Анализа“ на Телевизија 24.

ПОВРЗАНИ ВЕСТИ

Министерката за финансии Димитриеска Кочоска со навреда кон Петровска, не можела да знае колку троши едно четиричлено семејство затоа што нема деца

Лавина од реакции и осуда за Димитриеска Кочоска за навредата на Петровска

Фото/МО