До крајот на мај или почетокот на јуни следната година треба да има укинување на 33. економски и 33. медицински директори и 33. управни одбори и да стартува најавената реорганизација на Клиничкиот центар “Мајка Тереза“ во Скопје, најави денеска министерот за здравство, Фатмир Меџити, кој рече дека процесот бил започнат.
Со реорганизацијата треба да ги нема и заедничките служби кои трошат 20 милиони евра годишно.
На новинарско прашање, што ако по изборите кои ќе се одржат на 8. мај, има нова Влада која нема да го продолжи овој план, одговори премиерот Димитар Ковачевски, кој рече дека после изборите ќе останела истата Влада.
Клиничкиот центар како целина требаше да профункционира од 1. јануари следната година.
Меџети информираше и дека договорот за изградба на болницата во Кичево е раскинат и ќе биде потпишан нов, а најави и дека до крајот на годинава или во јануари следната ќе биде распишан тендерот и за доизградба на Клиничкиот центар во Штип.