Гоце Димовски од страна на Владата е назначен за нов в.д. директор на Дирекцијата за Технолошки индустриски развојни зони (ТИРЗ).
-Димовски е доктор на науки, докторирал на тема „Улогата на странските директни инвестиции на перформансите на малите и средни претпријатија во Република Македонија”.
Тој има долгогодишно работно искуство во институции и компании како што се ОБСЕ-ОДИХР, Министерство за транспорт и врски, Национален Парк „Маврово”, Совет за јавните набавки на Македонија, Јавно сообраќајно претпријатие – Скопје, Пелагонија АД Гостивар, Министерство за финансии – Проект за подобрување на општинските услуги (МСИП и МСИП2) финансиран од Светска Банка, ЦРППР – Проект за стратешко планирање, истражување, развој на студии и креирање на пакет проекти за регионален развој на Полошкиот регион (iCARE) и Совет на Општина Гостивар.
Димовски исто така има искуство во имплементација на инвестициски проекти финансирани од различни меѓународни финансиски институции како што се Светска Банка, Европската инвестициона банка, Банката за развој при Советот на Европа, Европската банка за реконструкција и развој и Германската развојна банка КфВ, велат од Владата.
ПОВРЗАНИ ВЕСТИ
Оливер Миланов нов в.д. директор на Агенцијата за храна и ветеринарство
Сашо Клековски именуван за в.д. директор на Фондот за здравствено осигурување
Александар Пандов именуван за в.д. директор на Управата за извршување на санкции
Фото: Влада