Владејачката коалиција „Вреди“ започна процес на формирање на Академија на Албанците за наука и уметност во Македонија.
Од таму соопштија дека тоа било во согласност со нивната непоколеблива посветеност за поттикнување на развојот и напредокот на националната свест на Албанците во областа на науката, уметноста и интелектуализмот.
„Ние сме уверени дека создавањето на оваа платформа ќе обезбеди нови можности за истражувачите, уметниците и интелектуалците Албанци, со што ќе се придонесе за подобрување на квалитетот на образованието и научната креативност во нашата земја.
Оваа иницијатива има за цел да создаде амбиент во кој научниците и уметниците ќе можат да ги споделат своите знаењаи таленти, поттикнувајќи нова култура на совршеност и иновации“, велат од таму.
Оттаму додаваат дека овој амбициозен проект ќе започне во градот на универзитети, во Тетово, но ќе биде официјално формиран во Скопје, поставувајќи темел за институција која ќе биде целосно посветена на науката и уметноста.
„Академијата на Албанците за наука и уметност треба да биде центар за развој на научни истражувања, унапредување на уметноста и зачувување на албанското културно наследство. Оваа Академија ќе се фокусира исклучиво на науката и уметноста, без политички вклучувања,“ се додава во соопштението.
Фото: Вреди