Осмоодделенец, кој имал 14 години, вчера во училиште во јужна Турција во покраината Кахраманмарас со пет оружја и седум шаржери уби девет лица, од кои осум се ученици, а едно е наставник.
Ранети се уште најмалку 13 лица, од кои шест ученици се на интензивна нега, а тројца се во критична состојба.
Како што јавуваат турските медиуми оружјето го скрил во ранец, а пукал во две училници каде учеле петоодделенци, по што извршил самоубиство.
Турските власти сметаат дека оружјето било на татко му, кој е поранешен полицаец.
И претходниот ден имаше пукање во училиште во Турција. Во средно училиште во југоисточната покраина Шанлиурфа поранешен ученик изврши самоубиство во конфронтација со полицијата откако повреди 16 лица.
Фото: Унсплеш/видео: Х
