Од Секторот за внатрешни работи (СВР) Велес информираа дека 42-годишен жител на Неготино пријавил дека се сомнева оти неговиот 66-годишен татко, кој заминал на риболов, паднал во реката Вардар кај селото Црвени Брегови.
Синот не можел да стапи во контакт со него, а при потрагата дел од неговата рибарска опрема била пронајдена во реката.
Подоцна Регионалниот центар за управување со кризи – Велес извести дека било пронајдено тело на исчезнато лице во водите на река Вардар во селото Црвени Брегови, Општина Неготино.
„Интервенираа ТППЕ Неготино со 7 пожарникари и екипа на ПС Неготино. Во 20.20 часот во близина на сепарацијата во Црвени Брегови во р.Вардар пронајдено е безживотно тело и истото е предадено на обдукција“, соопштија од Центарот за управување со кризи.
Фото: Unsplash
