Откорнати кровови, дрвја и бандери, паднати гранки врз автомобили, непроодни улици во Скопје, предизвика невремето кое попладнево го зафати главниот град, но и другите градови низ државата.
Од Центарот за управување со кризи (ЦУК) информираа дека до 19 часот преку Единствениот број за итни повици 112 се евидентирани повеќе од 1.000 повици од граѓани.
„Во Скопје е пријавена падната кровна конструкција од зграда на ул. „Женевска“ бр. 10, при што се оштетени повеќе патнички возила. Регистрирани се и паднато дрво врз моторно возило на ул. „Методија Митевски“, паднато дрво на ул. „Никола Тримпаре“, како и падната кровна конструкција на ул. „Трифун Бузев“.
Исто така, пријавено е дека дел од кровната конструкција на ООУ „Владо Тасевски“ е откорната од силниот ветер. На ул. „Хелсинки“ бр. 5 се регистрирани две паднати дрвја, додека на ул. „Скупи“ бр. 89 паднати дрвја оштетиле електрични кабли, патничко возило и дел од куќа.
Во Куманово е пријавена падната кровна конструкција на булевар „Октомвриска револуција“.
За сите пријавени настани се известени и постапуваат надлежните служби, кои се на терен и работат на расчистување и отстранување на последиците од невремето,“ велат од таму.
Силно невреме попладнево го зафати и Штип.
ПОВРЗАНИ ВЕСТИ
15 лица се повредени како последица на невремето во Скопје
Фото: еМагазин.мк
