Ако до крајот на месецот нема договор за минимална плата од 600 евра и зголемување на другите плати за 6.000 денари, ќе има генерален штрајк, најавија денеска од Сојузот на синдикати на Македонија (ССМ).
ССМ поради овие барања денеска ја блокираше Владата, а претходните денови и македонското Собрание и Стопанската комора.
Евентуалниот генерален штрајк ќе биде во средината на март.
Истиот како што рече претседателот на ССМ, Слободан Трендафилов ќе биде во неработно време, а на него ќе бидат повикани сите работници кои сметаат дека платите им се ниски.
За сите работници ССМ ќе обезбеди превоз.
