Државата го добила случајот за рудникот “Казандол“, во кој земјата во арбитражна постапка беше тужена од неколку инвеститори и од неа се бараше оштета од 115 милиони евра.
Информацијата денеска на прес-конференција ја сподели вицепремиерот и министер за транспорт, Александар Николоски.
Тој подвлече дека сите 11 основи по кои Македонија беше тужена се одбиени.
Договорот за концесија за рудникот со британско – украинската компанија „Сардич“ во февруари 2015 година го потпиша тогашната влада предводена од ВМРО-ДПМНЕ, а следната влада предводена од СДСМ во март 2018 еднострано го раскина истиот, бидејќи не бил исполнет условот во рок од две години од доделувањето на концесијата да се изгради постројка за експлоатација на катоден бакар со капацитет да експлоатира најмалку 50%.
Таа влада го затвори случајот со завршни зборови пред Судот во јануари 2023 година.
