Зградата која се гради на булеварот „Теодосиј Гологанов”, во близина на Католичката црква во скопската општина Центар, стана топ тема откако свлечиште таму затрупа багер, оштети тротоар, коловоз и автомобил, но и канализациона мрежа и улично осветлување.
Како што информираа од Општина Центар при увидот на надлежните органи исто така биле констатирани и низа неправилности во однос на изведбата на објектот.
ПОВРЗАНИ ВЕСТИ
Од таму најавија казни и санкции за вклучените во изградбата на зградата, но и дека градежниот инспектор на Општина Центар ќе побара одземање на лиценците на одговорните лица вклучени во изградбата.
Општината ќе бара и утврдување одговорност од надзорот и изведувачот на објектот.
ПОВРЗАНИ ВЕСТИ
Казни и санкции за инвеститорот за свлечиште на градилиштето во близина на Католичка црква
Исто така, од страна на Општина Центар до Основното јавно обвинителство е доставено и официјално известување за случајот.
Кои се инвеститорите
Како што веќе пишуваше еМагазин, инвеститори на зградата се Про билдинг компани ДОО – Тетово и Палма траде Љумиаљ ДООЕЛ – Тетово.
ПОВРЗАНИ ВЕСТИ
Изведувач пак е Конструксиони-инвест ДООЕЛ Тетово.
Надзорот го прави ХИГХ Конструктион гроуп ДООЕЛ – Гостивар.
Телевизијата Телма објави дека Про билдинг компани е во сопственост на Абдуљвехап Хусеини, Трипун Крстевски и Ванчо Крстевски.
Повикувајќи се на податоци на Бизнис мрежа, телевизијата објави дека минатата година добивката на фирмата била намалена за 97% и изнесувала 216 илјади денари.
Палма траде Љумиаљ пак е во сопственост на Љумиал Џеладини. Таа лани имала добивка од 3,4 милиони евра и истата е зголемена за 94%, објави телевизијата.
ПОВРЗАНИ ВЕСТИ
Фото: Унсплеш
