Град Скопје и Агенцијата SWOT Research, агенција за анализа квалитетот на услугата, по 14. пат го реализираа проектот „Најдобар угостителски објект меѓу најдобрите“, во главниот град.
Најдобри угостителски објекти во Скопје за 2021 година, во категорија Lounge и мезе барови се:
1 место: Дистрикт bar&kitchen
2 место: Public room
3 место: Soul kitchen
„Агенцијата SWOT Research ангажираше тајни купувачи, кои ги посетија угостителските објекти, избрани по случаен избор во трката за Најдобар угостителски објект во 2021 година, а потоа следуваше сумирање на резултатите.
Најдобрите угостителски објекти се избираат по пат на независни и објективни тајни купувачи, при што беа посетени 173 угостителски објекти, соопшти Град Скопје.
Квалитетот на услугата се оценуваше според девет елементи: прв контакт – (поздравување и упатување кон место за седење, приоѓање на келнерот, поздравување), хигиена на објектот – (чистота на простор, маси, чаршафи, столови, прибор, мени), ковид критериуми- (носење заштитна маска, растојание на маси, средства за дезинфекција), тоалет – (хигиена на простор и санитарии, бришачи, заклучување, закачалки), амбиент – (осветлување, температура, миризба, музика), услуга на келнерите – (љубезност, проактивност, волја да се излезе во пресрет, посветеност, однесување), општа услуга – (асортиман, соодветно послужување, време на услужување, издавање фискална сметка), квалитет на храната – (свежина, количина, вкус) и завршен контакт – (заблагодарување и отпоздравување).
ПОВРЗАНИ ВЕСТИ
(Галерија) Кои се најдобрите кафулиња во Скопје за 2021 година
(Галерија) Кои се најдобрите ресторани во Скопје за 2021 година
Фото: Фејсбук/Дистрикт/Public room/Soul kitchen