10 месеци затвор: Прва пресуда за злоупотреба на парите од ИПАРД програмата

Денеска беше изречена првата пресуда за злоупотреба на парите од ИПАРД програмата од Европската унија.

Службеничката Јасмина Костадинова, вработена во Министерството за земјоделство, шумарство и водостопанство, е осудена на 10 месеци затвор.

Ама, во затвор најверојатно нема да оди, бидејќи во казната и е пресметан и куќниот притвор во кој беше од ноември лани. Од казната и остануваат уште три месеци, а куќниот притвор и е продолжен до правосилност на пресудата.

Таа призна дека примила поткуп од 2.000 евра за манипулација со ранг-листата за парите од Програмата, а е осудена за „примање награда за противзаконито влијание“.

Во случајот се обвинети девет лица.

Меѓу обвинетите се и Џевдет Насуфи, поранешен министер и директор на фирмата Сигнас-Арго, како и Илија Стоилев, поранешниот директор на Агенцијата за финансиска поддршка во земјоделството и руралниот развој, кој беше фатен со 50.000 евра мито.

Парите од ИПАРД програмата се наменети за земјоделците.

ПОВРЗАНИ ВЕСТИ

Каков имот пријавил Илија Стоилев, директорот на Агенцијата за финансиска поддршка во земјоделството и руралниот развој, кој заврши во притвор

За што е осомничен Илија Стоилев, актуелниот директор на Агенцијата за финансиска поддршка во земјоделството и руралниот развој

Која е Даниела Лазарова Иротова, новата директорка на Агенцијата за финансиска поддршка во земјоделството и руралниот развој

Фото: Унсплеш