„Ремондис медисон“, која порано имала седиште во Битола, а сега во Скопје е фирмата која го добила тендерот заради кој поранешниот директор на Царинската управа, Стефан Богоев, заврши во притвор.
Како што објави телевизијата Телма истата добивала тендери и за време и на сегашната и на поранешната власт.
ПОВРЗАНИ ВЕСТИ
Договор од 420,2 илјади евра склучи Царинската управа со „Ремондис медисон“
Годинава еден од најголемите тендери кои ги склучила Царината е токму со неа. Истиот е за внатрешно одржување на хигиена на деловните објекти на Управата, вреден околу 420 илјади евра.
И во јануари 2025 година фирмата добила од Царината тендер за внатрешно одржување хигиена и одвоз на смет на заедничкиот граничен премин Белановце – Станчиќ за околу 8.000 евра.
Од почетокот на годинава како што објави телевизијата, фирмата добила 26 тендери кај разни институции. Вкупно се вредни околу 1 милион и 300 илјади евра.
Mеѓу осомничените во случајот се и Димитар Геогиевски, управител на фирмата и вработениот во фирмата, Александар Спирковски.
ПОВРЗАНИ ВЕСТИ
Одбраната на Стефан Богоев нуди 60 илјади евра за да излезе од притвор
Кој е Стефан Богоев, кој заврши во притвор за злоупотреба при јавна набавка и за поткуп
Фото: Унсплеш
