Од Основен кривичен суд Скопје денеска ги повикаа медиумите да се воздржат од сензационализам во случајот со судењето на Стојанче Јовановски за смртта на неговата сопруга Ивана и нивната ќерка Катја.
– Во однос на тековното судење за предметот поврзан со трагичната смрт на мајка и дете во Скопје, а кој е постапка од јавен интерес, како и начинот на кој се известува од истиот и вчерашните реакции на известувањата, ја информираме јавноста дека: Основниот кривичен суд Скопје, како за овој, така и за сите останати предмети од јавен интерес, овозможува максимални услови за транспарентна и непристрасна постапка во рамки на законски дозволеното.
Судот нема овластување на било каков начин да им влијае на медиумите во нивниот начин на известување, туку, како и неколку пати досега, ги повикува, наместо сензационализам, да се придржуваат кон новинарската етика и професионализам во известувањето, што впрочем е препорака и од Советот за етика на медиумите, изразена токму за конкретниот предмет, велат од Судот, а на истото од таму повикаа и на денешното рочиште за случајот.
На стартот на денешното рочиште, медиумите да известуваат без сензационализам, со почитување на правата на сите во постапката, без детали кои може да ги повредат и двојно да ги виктимизираат жртвите и нивните семејства, повикаа и од Основното јавно обвинителство.
ПОВРЗАНИ ВЕСТИ
Сведок ги раскажа последните минути пред Ивана да се самоубие со ќерка и
Дури 39 полицајци постапиле погрешно во случаите каде Стојанче Јовановски ја тепал Ивана
