Триесет и тригодишен маж од росоманското село Манастирец пукал синоќа во баба си. Жената се наоѓа во кавадаречката болница и за среќа не е во животозагрозувачка состојба.
Доктор Ратко Грков од Брза помош Кавадарци потврди дека интервенирале на местото на настанот и поради повредите, ја пренеле жената во болница.
Хирургот Благој Митев, кој синоќа бил дежурен во болницата во Кавадарци соопшти дека жената е задржана на хируршкото одделение.
„Има три метални предмети во екстремитетот. Во горниот дел на екстремитетот, кај надлактицата. Ќе се интервенира хируршки, за да се извадат. Кога ќе се извадат, ќе се види за што точно се работи“, појасни хирургот.
Портпаролот на СВР Велес Верољуб Додевски најави официјална информација за подоцна во текот на денот.
МИА