еМагазин
Image default
Македонија

Медат Куртовски и официјално градоначалник на Маврово и Ростуше

По објавувањето на Заклучокот на Државната изборна комисија (ДИК) за известување за конечност на резултати од гласањето за избор за градоначалник на Општина Маврово и Ростуше, кандидатот Медат Куртовски и официјално стана нов градоначалник.

На пригодна свеченост во седиштето на општината, нему му беше врачено уверението за избран градоначалник.

Претседателката на Општинската изборна комисија (ОИК), Ивана Ѓорѓиовска заедно со членовите на ОИК, остварија средба со Медат Куртовски, кандидатот на коалицијата „Најдоброто за мојата општина“ предводена од СДСМ, на која тој им се заблагодари на ангажманот во изборниот процес.

– Сакам најсрдечно да им заблагодарам на претседателката и членовите на Општинската изборна комисија за успешно реализираниот изборен процес. Во оваа прилика се заблагодарувам и на вработените во општината за топлиот пречек. Продолжуваме понатаму заедно за доброто на нашата општина, рече Куртовски.

Медат Куртовски раководеше со Општина Маврово и Ростуше еден мандат и се кандидираше во два наврати, но еднаш заради немање цензус и непријавување на против кандидат изборите се повторија. На последните избори тој освои 3.266 гласови, односно 60.53 отсто од излезените гласачи.

МИА/Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Имаше многу неправди кон Македонија, време е сето тоа да се респектира, вели хрватскиот премиер Пленковиќ

Редакција

Во тетовско со корона вирусот заразени четиримесечно бебе и четиригодишно дете

Редакција

Нов тренд: Се намалува бројот на починати од Ковид-19 со претходни заболувања

Редакција